كان فيه اثنين اخوان متزوجين وعلى مايبدوا قاعدين في بيت واحد
وحده كانت ربه بيت وزوجه الثاني تشتغل في قطاع
ما المهم الي هي ربه البيت زوجه مسكينه وعلى نياتهآ
وطيبه ماتهتم في حالهآ يالله تلحق شغل البيت والاولآد والزوج وماتهَتم
بمظهرها اهم شئ عندها تلبي رغبات الاولاد والزوج وتشوفهم مرتاحين ..
نجي عند الزوجه الي تشتغل هاذي عاد برستيج !
تهتم بحالها وبمظهرها وطبعا الي هي ربه المنزل بالنسبه
لها وحده بيئه لاتفقه شيئا من امور الحياه وماتعرف الشياكه والاناقه ولاتهتم بنفسها قدام زوجهآ ,,
فحبت تسوي معروف في اخو زوجها
وقاعده تهديه يتزوج وحده فاهمه وتقوله :
هذي ماتصلح لك انت يبي لك وحده كاشخه
وحلوه خلاص بعطيك صديقتي !!
عز الطلب انا متأكده انك بتدعي لي لو تزوجتها
الرجال يوم سمع نصيحتها ماكذب خبر قال وينها ,,
طبعا نسى افضال زوجته عليه !!
وجاء اليوم الموعود قاعد يتجهز للخطبه
وطبعا البنت واهلها جاهزين لمايجي على حسب الموعد المتفق ...
تعالوا نشوف وش اللي حصل ؟؟؟
وتجهز الرجال وكل شي لكن !!
حصل شي غير متوقع !!
لما كان خلاص بيطلع عشان الخطبه
راحت زوجته قبل ماتعطيه النعال ( طبعا هي مو عارفه وين بيروح )
شافته متسخ مغبر فَ نظفت نعاله بملابسهآ ( حليلها )
حز بنفسه وقال هاذي الي بروح اتزوج عليها شوفوا شوقاعده تسوي لي ؟؟؟
بطل يروح ذيك الليله يخطب راح متصل عليه
اخوه ويخبره ليش تأخرت ع الموعد مايصير الجماعه
منتظرين فشلتنا بينهم ...
رد عليه وقال مابي بطلت ماني متزوج على زوجتي
تعرفون وش اللي حصل ؟؟؟
اخوه شاف نفسه في موقف محرج
مع الجماعه راح هو خطبها بدل اخوه عشان يصلح الموقف
اتصلت زوجته ( اللي تشتغل ) في نفس الوقت
لصديقتها تستفسر عن الخطبه قالت لها بشري هاااا انخطبتي
لاخو زوجي ردت عليها وقالت لا ابشرك انخطبت لزوجك > فرحانه البنت
وخبزن خبزتيه يا الرفلا كليه